Алматы Түркі әлемінің жастар астанасы атанды
Алматыда Түркі мемлекеттері ұйымының IV Халықаралық жастар фестивалі салтанатты түрде ашылды. Іс-шараға ҚР Мәдениет және ақпарат министрі Аида Балаева, Түркі мемлекеттері ұйымының Бас хатшысы Кубанычбек Омуралиев және Алматы әкімі Дархан Сатыбалды қатысты.
Аида Балаева Мемлекет басшысының құттықтауын оқып берді. Онда Алматының «азаттықтың алтын бесігі және түркі әлемінің рухани ордасы» екені атап өтілді.
Сонымен қатар қалаға «Түркі әлемінің жастар астанасы – 2025» мәртебесі берілді.
Дархан Сатыбалды бұл үлкен құрмет әрі зор жауапкершілік екенін атап өтіп, қаланың жастар саясатын дамытудағы белсенді рөлі мен түркі мемлекеттері арасындағы ынтымақтастықтың жаңа кезеңін айқындады.
Салтанатты рәсім қазақстандық өнерпаздардың концертімен аяқталды. Жыл бойы Алматыда жастар кемпингі, «Digital Turkic Youth» форумы, «Жайдарман fest» фестивалі және басқа да іс-шаралар өтеді.
ПІКІР ЖАЗУ
The Dala Times — сайты мәтін түрінде, бейнекөрініс және сурет арқылы ақпарат тарататын тәуелсіз желілік басылым.
Меншік иесі: Жеке кәсіпкер «Зауыт и БЕК».
Сайтымыздың мобильді қосымшасын жүктеп алыңыз.
