Екі шымкенттік жалған шот-фактура арқылы мемлекетке 700 млн теңге салық төлемеген

ШЫМКЕНТ. ҚазАқпарат — ҚМА Шымкент қаласы бойынша департаментінің қызметкерлері нақты жұмысты орындамай, қызмет көрсетпей, тауар жөнелтпей, жалған шот-фактура жазып берумен айналысқан 2 азаматтың әрекетін әшкереледі, деп хабарлайды ҚазАқпарат.

Олар 2021 жылдың сәуірінен 2022 жылдың тамызына дейінгі аралықта жалпы айналымы 2,1 млрд теңгеден асқан 6 компания құрды, соның салдарынан мемлекеттік бюджетке салық түрінде 700 млн теңгеге жуық қаржы түспей қалды.

Сот үкімімен аталған тұлғалар қылмыстық құқық бұзушылық жасағаны үшін кінәлі деп танылып, 3,5 жыл мерзімге бас бостандығынан айырылды.