АҚШ-та коронавирустың жаңа түрі тарап жатыр

АҚШ ауруларды бақылау және алдын алу Орталықтары (CDC) елде COVID-19-дың жаңа нұсқасы JN.1 тарап жатқанын мәлім етті. Kazinform бұл туралы Синьхуа агенттігіне сілтеме жасап хабарлайды. 

CDC дерегінше, елде COVID-19 жұқтырғандардың 44%-ы вирустың осы түрін жұқтырған. Бұған дейін бұл көрсеткіш АҚШ-та 21,4 пайыз болған. 

Мамандардың сөзінше, JN.1 әсіресе солтүстік-шығыс аудандарда, оның ішінде Нью-Джерси мен Нью-Йоркте көп тараған. COVID-19 жұқтырғандардың 57 пайызға жуығы осы өңірде тұрады.

CDC-дің таратқан ақпаратында JN.1 үлгісі тамыздан бері бақылап отырған ВА.2.86 нұсқасымен тығыз байланысты екені жазылған.

Айта кетейік, JN.1 алғаш рет АҚШ-та 2023 жылдың қыркүйегінде анықталған.